ဘယ်ကတည်းက အမြင်ကပ်နေလဲ မသိဘူးနော်

ကျောင်းဆရာတစ်ယောက်ရယ်၊ သူခိုးတစ်ယောက်ရယ်၊ ရှေ့နေတစ်ယောက်ရယ် ... အသီးသီး ကွယ်လွန်ကြပြီး ကောင်းကင်ဘုံကိုရောက်သွားတယ်။
ကောင်းကင်ဘုံတံခါးဝမှာက တံခါးမှူးကြီး စိန့်ပီတာက ဝင်ခွင့်စစ်ဆေးပါတယ်။
“ ကဲ .. မေးခွန်းတစ်ခုစီမေးမယ်။ မှန်အောင်ဖြေနိုင်ရင် ကောင်းကင်ဘုံထဲကို ဝင်နိုင်ပါတယ် ”
စိန့်ပီတာက ကျောင်းဆရာကို အရင်မေးတယ်။
“ ရေခဲကျောက်ဆောင်ကြီးနဲ့ တိုက်မိပြီး နစ်မြုပ်သွားခဲ့ရတဲ့ နာမည်ကျော် ပင်လယ်ကူးသင်္ဘောကြီးရဲ့ အမည်က ဘာပါလဲ ”
ကျောင်းဆရာလည်း အားရဝမ်းသာနဲ့
“ ဟား .. သိပ်သိတာပေါ့ ။ တိုက်တန်းနစ်လေဗျာ ”
စိန့်ပီတာက ခေါင်းညိတ်ပြီး
“မောင်မင်းအဖြေ မှန်ပါတယ်။ ကောင်းကင်ဘုံက ကြိုဆိုပါတယ်ကွယ်” ။
ကျောင်းဆရာဝင်ခွင့်ရသွားတော့ နောက်တစ်ယောက် ... သူခိုးကို မေးပြန်တယ်။
“ အဲ့ဒီ တိုက်တန်းနစ် သင်္ဘောကြီးနစ်တော့ လူဘယ်နှစ်ယောက် သေဆုံးခဲ့ရသလဲ ဖြေပါ ။”
သူခိုးက ခေါင်းကုတ်ပြီး
“ အာ .. ဒါတော့ နည်းနည်းခက်တယ်ဗျ။ ဒါပေမဲ့ ကျနော် အဲ့ဒီရုပ်ရှင်ကြည့်ဖူးတယ်။ လူပေါင်း ၁၅၀၀ သေတယ်ဗျာ ”
“ right !! မောင်မင်းရဲ့ အဖြေလည်း မှန်ပါတယ်ကွယ်။ ကောင်းကင်ဘုံက ကြိုဆိုပါတယ် ”
သူခိုးလည်း ဝင်ခွင့်ရသွားပြီးတဲ့နောက် စိန့်ပီတာကြီးက ရှေ့နေဘက်ကို လှည့်ပြီး ပြုံးပြရင်း ပြောတယ် ။

“ အိမ်း .. နောက်ဆုံးတစ်ယောက်ကတော့ ရှေ့နေကလေးပဲ ။ ”
ရှေ့နေကလည်း ခပ်မိန့်မိန့် ပြန်ပြုံးပြပြီး
“ ဟုတ်ကဲ့ ။ သူတော်စင်ကြီး ဦးပီတာ ။ မေးချင်ရာသာမေးပါ ။ ”
“ကောင်းပါပြီ ရှေ့နေကြီးခင်ဗျာ ။ ဖြေကြည့်ပါဦး။ မေးခွန်းကတော့ သိပ်အခက်ကြီး မဟုတ်ပါဘူး ။
အဲ့ဒီ တိုက်တန်းနစ် သင်္ဘောပေါ်မှာ  သေဆုံးသွားတဲ့ လူပေါင်း ၁၅၀၀ ရဲ့ နာမည်လေးတွေကိုပဲ ပြောပြပေးပါကွယ်။ ”

အင်္ဂါဂြိုလ် သွားကြမလား

နာဆာ အာကာသစခန်းကနေ အင်္ဂါဂြိုလ်ကို လူလွှတ်ဖို့အတွက် လူတွေ့စစ်ဆေးမေးမြန်းမှု လုပ်တယ် ။ အင်္ဂါဂြိုလ်ကို တစ်ယောက်ပဲ သွားလို့ရမှာ ဖြစ်ပြီး ကမ္ဘာပေါ်ကိုလည်း ပြန်လာလို့မရဘူး။ အဲ့ဒီအတွက် ထိုက်တန်တဲ့ လျော်ကြေးသဘောမျိုး ဆုကြေးငွေလည်း ပေးအပ်မှာပါ ။

ပထမဆုံးအင်တာဗြူးဖြေတဲ့ အင်ဂျင်နီယာကို နာဆာအရာရှိက မေးတယ် ။

“ အင်္ဂါဂြိုလ် မပြန်ခရီးအတွက် ငွေဘယ်လောက်လိုချင်ပါသလဲ ”

“ဒေါ်လာ တစ်သန်း လိုချင်ပါတယ် ။ အဲ့ဒီငွေတွေကို အင်ဂျင်နီယာအဖွဲ့အစည်းကြီးကို လှူခဲ့ချင်လို့ပါ။”

သူပြီးတော့ နောက်တစ်ယောက်က ဆရာဝန်ပါ။
ငွေဘယ်လောက်လိုချင်သလဲပဲ ထပ်မေးတယ်။
ဆရာဝန်ကတော့ ဒေါ်လာ ၂ သန်း လိုချင်ပါတယ်တဲ့။ တစ်သန်းက ကျန်ရစ်သူ မိသားစုကို ပေးပြီး နောက်တစ်သန်းကိုတော့ ဆေးပညာဖွဲ့ဖြိုးရေး သုတေသနအတွက် လှူခဲ့ချင်ပါတယ် တဲ့။

နောက်ဆုံး အင်တာဗြူးဖြေတာကတော့ ရှေ့နေတစ်ယောက်
သူကတော့ ဒေါ်လာသုံးသန်း လိုချင်ပါတယ်လို့ ပြောတယ် ။
နာဆာက အရာရှိကြီးလည်း မျက်လုံးပြူးပြီး

“ ဟာ .. ခင်ဗျားက သူများတွေ တောင်းတာထက်တောင် များနေပါလား ”

ရှေ့နေက အရာရှိကြီးအနားကပ်ပြီး ခပ်တိုးတိုးပြောလိုက်တယ် ။

“ဒီလိုလေဗျာ ။ ကျနော့်ကိုရွေးချယ်ပြီး သုံးသန်းပေးမယ်ဆိုရင် အရာရှိမင်းကို တစ်သန်းပေးမယ်ဗျာ ။ ကျနော်က တစ်သန်းယူမယ် ။ ကျန်တဲ့တစ်သန်းကိုတော့ ဟို အင်ဂျင်နီယာကောင်ကို ပေးပြီး သူ့ကိုပဲ အင်္ဂါဂြိုလ်ကို လွှတ်လိုက်တာပေါ့။ ကဲ .. ကျုပ်အကြံမပိုင်လားဗျာ။”

စိတ်ညစ်မှာစိုး

“ စိတ်ညစ်မှာစိုး ” 

L.လွန်းဝါနဲ့ ဆူဇီက ဆိုထားတဲ့ စုံတွဲသီချင်းလေး ။ လမ်းခွဲနူတ်ဆက်နေကြတဲ့ ချစ်သူနှစ်ဦးရဲ့ ခံစားချက်လေးတွေ ... ။ သီချင်းရေးတဲ့သူက မိုးသစ် ဖြစ်ပါတယ် ။ သီချင်းစာသားတွေနဲ့ ယှဉ်လိုက်မယ်ဆို သီချင်းခေါင်းစဉ်က အရမ်းပေါ့နေသလိုပဲ ။ စိတ်ညစ်မှာ စိုးရုံလောက်နဲ့ လမ်းခွဲနူတ်ဆက်စရာလားနော် ။ ခေါင်းစဉ်ကလွဲရင် သီချင်းစာသားတွေနဲ့ ဆိုသူ နှစ်ယောက်လုံးရဲ့ အသံတွေပါ ကြိုက်မိပါတယ်။ 

တိုက်ဆိုင်နေတာလည်း ပါမှာပေါ့ ။ 

တခါတလေတော့လည်း အချစ်ဆိုတာက ဘာမှန်းမသိတဲ့အရာကြီးနဲ့ ခေါင်းချင်းဆိုင်ပြီး တိုက်ပစ်ချင်လောက်အောင်ကို ဖမ်းစားနှိပ်စက်နိုင်လွန်းတာပဲ ။ 

ဒီတော့ တိုက်ဆိုင်သူများနားထောင်ဖြစ်ရင်လည်း ဆိုင်ပြီး တိုက်ပစ်လိုက်ပါလို့ ...... 

နားထောင်ကြည့်လိုက်ပါဦး။ သီချင်းနဲ့ တပါတည်း ခံစားဖို့ စာသားတွေလည်း ရေးပေးလိုက်ပါတယ်။ 

စိတ်ညစ်မှာစိုး 

ကြယ်ရောင်ပျောက်သော ကိုယ့်ရဲ့ညတွေထဲ မခိုလုံချင်နဲ့ နွေးထွေးမှု မရှိဘူး
မရေရာနိုင်တဲ့ ကိုယ့်ရဲ့နေ့တွေထဲ ကြင်နာသူလေး စိတ်ညစ်ရမှာပဲ

အခြေအနေတွေခြားနေတယ် သေချာတာတော့ ဝေးကြရမှာပဲ
ယုံကြည်မျှော်လင့်ခြင်းတွေလည်း တကယ်တမ်း လက်တွေ့တော့ မလွယ်ဘူး
ချစ်သူလေး ....

အမှောင်တွေဝေတဲ့ လောက လမ်းတွေထဲ အတူတူလျှောက်လှမ်းသွားဖို့မဖြစ်နိုင်ဘူး
နှောင်တွယ်နေတဲ့ တို့ရဲ့ လက်တွေလည်း ဒီချိန်မှာတော့ ရှေ့ဆက် မမြဲသင့်ဘူး

တကယ်ဆိုရင် အချစ်ဆိုတာ သေချာတာတော့ ဘဝနဲ့ တခြားစီပဲ
အရာရာ ရင်ဆိုင်သွားချင်လည်း စိတ်ကူးထဲကလောက် မလွယ်ဘူး
ချစ်သူလေး .....

နူတ်ဆတ်ပါတယ် ထွက်သွားတော့ မင်းမျက်ဝန်းက မငိုနဲ့တော့
ချစ်ခဲ့တာတွေ မေ့ထားတော့ ကိုယ့်ရဲ့ အနားနား မလာနဲ့တော့
အိပ်မက်တွေရယ် ချန်ခဲ့တော့ မင်းဘဝမင်းပဲ လျှောက်လှမ်းတော့
မသာယာတဲ့ ကိုယ့်ဘဝနေ့များထဲ မလှမ်းခဲ့ပါနဲ့ ချစ်သူလေး

ပြန်ဆုံစရာလမ်း နောက်ထပ် မရှိတော့ဘူး
ရည်ရွယ်ချက်များ တစ်ခုမှ ဖြစ်မလာဘူး
မျှော်နေခွင့်လည်း တို့အတွက် မရှိတော့ဘူး
ကံကြမ္မာကိုပဲ အပြစ်ဖို့ရင်း ကိုယ်ရူး

မှတ်ချက်။

စိုင်းခမ်းလိတ်ရေးပြီး စိုင်းထီးဆိုင် ဆိုထားတဲ့ အချစ်ကို ဦးစားပေးခဲ့သူ ဆိုတဲ့ သီချင်းကိုလည်း မဆီမဆိုင် သတိရမိတယ်။

မှတ်ချက်ရဲ့မှတ်ချက်။

သူတို့က ရေးသားရေး ဆိုသာဆိုခဲ့ကြတာ။ တကယ်တမ်း ဦးစားပေး မပေး ။ ခုထိတိုင်အောင် အချစ်ကို ဦးစားပေး မပေး ဆိုတာကတော့ လူချင်းတွေ့မှသာ မေးတော့။ စိုင်းထီးဆိုင်ကို မေးချင်ရင်တော့ မှီရာကားနဲ့သာ လိုက်သွားနော် ။

ရယ်စရာဆိုတာက

တရားရေးဆိုင်ရာ ဟာသနဲ့ ကာတွန်းတွေကို အလျဉ်းသင့်သလို တင်သွားမယ်လို့စိတ်ကူးပါတယ်။
အပေါ်က ကာတွန်းကတော့ နမူနာပါ။ အစမ်းပါ။

မရီရင်တောင် ပြုံးနိုင်လောက်ပါရဲ့။ မပြုံးဘူးဆိုရင်တောင် မဲ့သွားလောက်မယ်ဆိုလည်း ရပါတယ်။ ဟာသတွေ ကာတွန်းတွေ ဖတ်ပြီးတော့ ဘယ်လိုမှ မနေဘူး .. ဘယ်လိုမှ မဖြစ်ဘူး ဆိုရင်တော့ နီးစပ်ရာ စိတ်ကျန်းမာရေး အထူးကုဆီ သွားပြီး တိုင်ပင်လိုက်နော် .. လိုအပ်လို့ ရှေ့နေ ငှားမယ် ဆိုလည်း ဆက်သွယ်ပါ ။

လူရဲ့ ဝိသေသတွေထဲမှာ ရီခြင်း ပြုံးခြင်းတွေလည်း ပါတယ် ။ အသက်ရှည်ရာ ရှည်ကြောင်း ကိစ္စပါပဲ။
တနေ့တာအချိန်လေး အတွင်းမှာပဲ နှစ်နှစ်ခြိုက်ခြိုက်ပြုံးလိုက်တာမျိုး ၊ ဟက်ဟက်ပက်ပက် ရယ်မောလိုက်တာမျိုးက အမောတွေကို ပြေစေပါတယ်။ စိတ်ဖိစီးမှုတွေ အတန်အသင့် ပြေစေနိုင်ပါတယ်နော်။

ဒါပေမဲ့ ဟာသတိုင်း ကာတွန်းတိုင်းက လူတိုင်းကို ရယ်မော ပြုံးရွှင်စေဖို့ မဖြစ်နိုင်ပါဘူး။ လူအားလုံးနဲ့ဆိုင်တဲ့ ဟာသဆိုရင်တော့ လူတိုင်းလိုလို ရယ်မောစေနိုင်ပေမဲ့ လောကအဝန်းအဝိုင်း တစ်ခုတည်းနဲ့ သတ်ဆိုင်တဲ့ဟာသဆိုရင်တော့ အဲ့ဒီလောကသားတွေပဲ နားလည်နိုင်ပြီး ရယ်မောစရာ ဖြစ်မှာပေါ့နော်။
သိပြီးသား ဟာသတွေဆိုရင်လည်း ရယ်မောစရာ မရှိတော့တာမျိုး ရှိသလို တချို့ဟာသတွေက ဘယ်နှစ်ခါ ဘယ်နှစ်ခေါက် ကြားပါစေ၊ ဖတ်ပါစေ ရယ်ရ ပြုံးရတာမျိုးလည်း ရှိပါတယ်။

မှတ်ချက်။
လူပြက်တွေ ပြောသလို မင်းဟာသက မရယ်ရလို့ ရယ်စရာကောင်းလိုက်တာကွာ ဆိုတာမျိုးတွေလည်း ရှိသည်။
မှတ်ချက်ရဲ့မှတ်ချက်။
လက်ရှိ နေ့စဉ်ထုတ်သတင်းစာတွေမှာဆို ဟာသတွေ အများကြီးပါတာပေါ့။ ဒါပေမဲ့ ကြားရဖန်များလို့ မရယ်ရသလို ဖြစ်နေတာမျိုးတွေ များပါတယ်။ မရယ်ရတဲ့အပြင် ငိုချင်စိတ်ပါ ပေါက်သွားနိုင်တဲ့ ဟာသတွေလည်း အများကြီးပေါ့ ။

ရှေ့နေအကြောင်း

ရှေ့နေဆိုတာနဲ့ လူအများစုက အမြင်မကြည်ကြဘူး။

ရှေ့နေဆိုတာနဲ့ ကတ်သတ်သူ၊ ကတ်ဖဲ့သူ၊ ငိုစားရယ်(ရီ)စား၊ လျှာနှစ်ခွ၊ လျှာအရိုးမရှိသူ ......... အမျိုးမျိုးပြောကြပါတယ်။ တရားရေးဝန်ထမ်းထဲမှာတောင် ရှေ့နေဆိုရင် သူများထက်ပိုပြီး အပြောအဆိုခံရပါတယ်။

ဘယ်လောက ဘယ်အလွှာမှာပဲဖြစ်ဖြစ် ကောင်းတဲ့သူရှိသလို မကောင်းတဲ့သူလည်း ရှိစမြဲပါပဲ။ မကောင်းတဲ့သူတချို့အတွက် အားလုံးကို သိမ်းကျုံးပြောဆိုတာမျိုးက မဖြစ်သင့်ပါဘူး။ ဒါပေမဲ့ ရှေ့နေလောက ကတော့ တခြားအသိုက်အဝန်းတွေထက် အပြောခံလာရတာ ဟိုးရှေးပဝေဏသီကတည်းကပါပဲ။ ဒါဟာလည်း မြန်မာနိုင်ငံတင်မကဘူး ကမ္ဘာ့နိုင်ငံတိုင်းလိုလိုမှာ ရှေ့နေဆိုတာက ပြောဆိုကဲ့ရဲ့ခံရဆုံးပါပဲ။ ပညာနဲ့အသက်မွေးဝမ်းကျောင်းသူချင်းတူတူမှာ ရှေ့နေက ဒီလောက်တောင်ပြောဆိုခံနေရတာ ဘာကြောင့်ပါလိမ့်။

တကယ်ဆို ရှေ့နေတွေ မကောင်းဘူးလို့ ပြောလေ့ရှိသူများဟာလည်းပဲ ရှေ့နေနဲ့ မပတ်သတ်ပဲ ကင်းကင်းနေလို့ရတယ်ရယ်လို့ မရှိပါဘူး။ တကွေ့မဟုတ်တကွေ့တော့ ပတ်သတ်အားကိုးရတာပါပဲ ။ အသက်တစ်ရာ မနေရ၊ အမှုတစ်ရာပွေရ ဆိုတာရှိသလို လူတစ်ခု ပူမှုရယ်တဲ့ ဆယ်ကုဋေလို့လည်း ဆိုကြတယ်မဟုတ်ပါလား။ ဖျားနာ နေမကောင်းတဲ့အခါ ဆရာဝန်ဆီသွားရသလိုပဲ အမှုအခင်းတစ်ခုရှိလာပြီဆိုရင်လည်း မိမိက မှန်သည်ဖြစ်စေ မှားသည်ဖြစ်စေ ရှေ့နေကိုတော့ အပူကပ်ရတာပါပဲ ။ ရှေ့နေကလည်း ကိုယ့်ကို အလုပ်လာအပ်တဲ့ အမှုသည်က မှန်သည် ဖြစ်စေ မှားသည်ဖြစ်စေ ကိုယ်သင်ယူတတ်မြောက်ထားတဲ့ ဥပဒေပညာနဲ့ ဥပဒေဘောင်ထဲကနေ ဥပဒေကြောင်းအရ အတတ်နိုင်ဆုံး ကူညီပေးရတာပါပဲ ။အနည်းဆုံး အရောင်းအဝယ်ကိစ္စတွေလုပ်ရင်တောင်မှ ဥပဒေနဲ့ညီဖို့အတွက် နားလည်တတ်ကျွမ်းတဲ့ ရှေ့နေက လိုအပ်တာပါပဲ။ အကျင့်တန်တဲ့ ရှေ့နေ၊ မကောင်းတဲ့ရှေ့နေတွေရှိသလို
တကယ်ကို တော်တည့်မှန်ကန်တဲ့ ရှေ့နေတွေ အများကြီးရှိတယ်ဆိုတာတော့ ငြင်းလို့မရပါဘူး ။

တကယ်တော့ လူအဖွဲ့အစည်းမှာ တရားဥပဒေဆိုတာ လိုအပ်လို့ရှိနေတာပါ။ လောကပါလတရား(လောကကိုစောင့်ရှောက်သောတရား)နဲ့ မလုံလောက်တဲ့ လူအဖွဲ့အစည်းမှာ ရှိကို ရှိရမှာပါ။ သက်ဆိုင်ရာ ဘာသာရေးအဆုံးအမ နဲ့ လူကြီးမိဘသြဝါဒတွေနဲ့လည်း မလုံလောက်လို့သာ အထိန်းအကွပ်အနေနဲ့ ဥပဒေတွေ သတ်မှတ်ပြဌာန်းပေးထားရတာပါ ။ တရားဥပဒေ လိုအပ်ပါမှတော့ တရားရေးဝန်ထမ်း၊ ဥပဒေဝန်ထမ်း နဲ့ ပညာရှင်တွေဆိုတာကတော့ ပြောနေစရာ မလိုတော့ပါဘူး။ တရားရုံး၊ တရားသူကြီး၊ ရှေ့နေ၊ တရားရေးဝန်ထမ်း၊ ရဲစခန်း၊ အကျဉ်းထောင်တွေကလည်း လူသတ္တဝါရဲ့မူလ အရိုင်းစိတ်တွေကို ထိန်းသိမ်း ၊နှိပ်ကွပ်ဖို့ လောကလူ့ဘောင်ကြီး လုံခြုံ အေးချမ်း သာယာစေဖို့အတွက်ရှိနေတာပါ။ အဲ့ဒီလို ရှိနေတာတောင် နေ့စဉ်နဲ့အမျှ အမှုအခင်း၊ အရှုပ်အရှင်းတွေ တိုးပွားလာနေဆဲပါပဲ။ ရှိများသာ မရှိရင်တော့ မတွေးဝံ့စရာပါ ။ ထန်းရည်မူးတဲ့သူကို သူကြီးက ထိပ်တုံးခတ်ရုံလောက်ဆိုတဲ့ ခေတ်အခါမျိုးမှ မဟုတ်ပဲလေ။ ခုလို ဗြဟ္မာစိုရ်တရား ခေါင်းပါးပြီး အတ္တကိုယ်စီနဲ့ ဖြစ်နေကြတဲ့ ခေတ်အခါကြီးမှာ ဥပဒေဆိုတာ ပိုလို့တောင် လိုအပ်နေပါသေးတယ် ။
ဒါကြောင့် ဥပဒေဘောင်အတွင်းမှာ နေထိုင်လိုကြတဲ့ လူသားတွေအတွက် အမှုအခင်းအရေးအရာတွေကို ဖြေရှင်းဆောင်ရွက်ပေးနေတဲ့ ဥပဒေဝန်ထမ်း ရှေ့နေကောင်းများသည်လည်း အမှန်ပင်လိုအပ်ပါကြောင်း ။

မှတ်ချက်။
တရားသောမင်း၊ တရားသော အစိုးရအုပ်ချုပ်သော တိုင်းနိုင်ငံတွင်သာ တရားဥပဒေစိုးမိုးနိုင်ပြီး တိုင်းနိုင်ငံအေးချမ်းသာယာကာ တရားရေးဆိုင်ရာ ဝန်ထမ်းများသည်လည်း နာမည်ကောင်း မျက်နှာကောင်းရကြပါလိမ့်မယ် ။
မှတ်ချက်ရဲ့ မှတ်ချက်။
တကယ်သာ လေးစားလောက်တဲ့ အစိုးရနဲ့ လေးစားလောက်တဲ့ တရားဥပဒေသာ စိုးမိုးမယ်ဆိုရင် တို့ရှေ့နေတွေ အလုပ်ပါးလို့ ငတ်ရချည်ရဲ့နော် ။

ရှေ့နေ ငတ်ရိုး ထုံးစံ မရှိ

ပျင်းတောင်ပျင်းသေး

တရားခွင်မှာ လာနားထောင်နေကြတဲ့သူနှစ်ယောက်ပြောနေကြတယ်။
“ ဒီဘက်က ရှေ့နေကြီးက အတော်ဆိုးတာပဲဗျ ။တရားခွင်မှာ သမ်း နေလိုက်တာများ သုံးခါ မကတော့ဘူး ။ ”
“ ခင်ဗျားက ဘာသိလို့လဲ ။ အဲ့ဒါ ဟိုဘက် ရှေ့နေကြီး အမှုစစ်နေတာကို ပျင်းတောင် ပျင်းသေးတယ် ဆိုပြီး အမူအရာနဲ့လုပ်ပြနေတာဗျ ။ ”